عيش اللحظه

عيش اللحظه  

بحكو انو ما بنحس بقيمه الاشي الا لما بنفقدو…. , بتصير تشوف الاشياء وكانها كانت متخبيه منك وكشفتها على حقيقتها .

بتزكر يوم ما سايق التكسي ضحك علينا ونزلنا بعيد عن الدوار تلت ساعه مشي وحكالنا هي وصلنا الدوار مشان يوخد طلب تاني , ويوم ما شتت الدنيا كيف الناس صارت تركض كانهم مجموعه نمل وكبيت عليهم كاسه مي .

بتعرفو … في اشياء كتير حولينا حلوة بس مش حاسين فيها وسدقوني لو كانت كل حياتنا ما فيها اخطاء ما راح يكون في اشي بميز حياتنا , يعني لو وصلنا صاحب التكسي على المكان اللي بدنا اياه ما كان ضليت متزكرو وما كان ضحكت من كل قلبي انا وصحابي لما نتزكر هالموقف اللي كنا بوقتها كتير زعلانين فيه ولو مسكنا لصاحب التكسي الله بعلم شو كان صار فيه .

المهم اننا عايشين بامان ومبسوطين شوي , ومبسوطين على هالكم رغيف الخبز اللي منشتريهم واحنا مروحين ولازم نوكل نص رغيف منهم عالطريق …

الذكريات المؤلمه ممكن تتحول لاشي حلو وبسيط بس هاد الاشي بعتمد علينا احنا , كيف منغير الاحداث براسنا ومنخليها حلوة .

نفكر شوي بالاشياء اللي بحياتنا هلا وانها كمان شوي راح تروح  وراح تصير ذكريات حلوة ليش ما نخليها حلوة من هلأ , نعيش اللحظة , نحب غيرنا , نتميز بابتسامتنا ,

نتصرف على طبيعتنا , وزي ما بحكي المثل ” تيك ات ايزي يا عزيزي ”  .

تمت .

عمر االمغربي

Kommentarer

Kommentarer